CM भूपेश बघेल ह 1 फरवरी के रही सुकमा प्रवास म, पढ़व पूरा खबर
रायपुर। सीएम भूपेश बघेल (CM Bhupesh Baghel) ह 1 फरवरी के सुकमा प्रवास म रही। ए दौरान सीएम बघेल ह कई संस्थान के शिलान्यास अऊ लोकार्पण करही। उहचे स्थानीय प्रमुख मन ले भेंट करही अऊ चर्चा घलो करही।
निर्धारित कार्यक्रम के अनुसार सीएम भूपेश बघेल (CM Bhupesh Baghel) ह दोपहर 12 बजे हवाई मार्ग ले सुकमा पहुंची। उहां सबले पहिले स्वामी आत्मानंद अंग्रेजी माध्यम स्कूल के लोकार्पण के बाद परिसर के भ्रमण करही। एखर बाद विवेकानंद युवा शक्ति परिसर म जिला ग्रंथागार के लोकार्पण करही। उहां सीएम बघेल ह स्टडी क्लब म छात्र मन ले चर्चा करही। उहचे फिटनेस सेंटर के अवलोकन करही।
एखर बाद सीएम भूपेश बघेल (CM Bhupesh Baghel) ह मिनी स्टेडियम सुकमा म आयोजित आमसभा ल संबोधित करही। इहां अलग-अलग विभाग के प्रदर्शनी के अवलोकन करही। संगेसंग हितग्राही मन ल सामग्री के वितरण घलो करही। एखर बाद सीएम बघेल ह गादीरास रोड म सर्व आदिवासी समाज भवन के लोकार्पण करही।
Comments
Post a Comment